Qaasuitsoq kujallermi suli isumaqatigiinniarput
Partiit maannakkut isumaqatiginniarput, paasissutissalli tunniunneqarsinnaasut annikipput.
KNR-imit paasisat naapertorlugit, Siumut aamma Inuit Ataqatigiit ippassaq unnukkut qulinginguat missaanni ataatsimiipput isumaqatiginniarlutik, isumaqatigiissuteqarsimanatilli.
Ane Hansen KNR-imut ilisimatitsissutigaa, nammineq borgmesterinngornissani piumasaqaatigalugu partiit taakkua marluk isumaqatigiissuteqassappata.
AAMMA ATUARUK Qaasuitsoq Kujallermi kina borgmesterinngussanersoq suli nalunartoq
Siumut IA-lu isumaqatigiinniarput
IA-mit maannakkut utaqqineqarpoq, Siumut isumaqatigiissuteqarnissamik nalunaaruteqarnisaa.
Enok Sandgreenip Siumumeersup uppernarsarpaa ataatsimiittoqarsimasoq, Ane Hansenillu borgmesterinngornisaa piumasaqaataasimasoq.
Ataatsimiititaliani assigiingitsuni sulittaasuuffiit partiinit sorlernit inuttalerneqassanersut suli qularnarput.
Ataatsimiititaliat siulittasui kikkunnit inuttalerneqassanersut aamma suli qulakkeerneqanngilaq.
Enok Sandgreenillu KNR-imut nalunaarutigaa, Siumut aamma IA ullup ingerlanerani ataatsimeeqqissasut.
Inuit Ataqatigiit Siumumik imaluunniit Atassummik isumaqatigiissuteqarsinnaanerat periarfissaavoq, Ane Hansenilli ullaap tungaanni oqaluttuarinianngilaa partii sorleq suleqatiginissaanut periareersimaffiginerlugu.
AAMMA ATUARUK Rævekagen hæver i Qaasuitsup Syd
Atassut aalajangiisuusinnaavoq
Atassutip Ikaarsaariarnermut ataatsimiititaliami ilaasortaatitatuaa Naja Petersen KNR-imut oqarpoq, IA-mik suleqateqarnissamut piumasaqaatigneqartut tassaasut borgmesterip tulliatut siullertut inissinnissani, isumagininnermut ataatsimiititaliami siulittaasunngornissani kiisalu kommunemi ataatsimiititaaliat pingaarnersaanni aningaasaqarnermut ataatsimiititaliamut ilaasortanngornissani.
Siumukkut peqatigalugit killiffik pillugu aamma ataatsimeeqatigissamaarlutik, immaqalu aamma Inuit Ataqatigiikkunnik ataatsimeeqatiginnissallutik, Naja Petersen oqarpoq.
AAMMA ATUARUK Qaasuitsup kujallermi qinersineq naligiiffiusoq
IA aamma Siumut marluullutik kommunalbestyrelsemi inissat arfineq marluk pissarsiaraat, Naja Petersen Atassut Kommunalbestyrelsemi 15-nik ilaasortaqartussami amerlanerussuteqarnissamut aalajangiisuuvoq.