Qaarusummi sulisut qaammatip tulliani qaqinneqassapput
Qillerut nutaaliaalluinnaqqissaartoq atorneqartoq ilimagisamit sukkanerusumik qillerutigineqartoq Chilemi naalakkersuisunit tusarfiit aterminnik taaneqanngitsut aviisimi El Mercuriomi apersorneqarlutik oqarput.
Qaarusummi sulisut 33-it qaarusummi 700 meterisut ititigisumi matoorussaaqqapput.
Oktoberip ulluisa 15-anni Chilep præsidentiata Pinerap Europamut angalalluni aallarnissaa sioqqullugu qaarusummi sulisut qaarusummit qaqinneqarsinnaanissaat periarfissaavoq, naalakkersuisunit tusarfiit ilaat taamatut oqarsimavoq.
Chilemi pisortat siornatigut oqaatigaat qaarusummi sulisut juulli sioqqutilaarlugu qaqinneqarsinnaassassut.
Qillerineq ingerlalluarnerarlugu Chilemi aatsitassarsiornermik naalakkersuisoq Laurence Goldborne sapaatiummat oqarpoq.