Qaarusummi sulisut 3.000-it mattussaasut
Taamaattorli annaassiniartut sulisartut 1.350-it ullaaq manna mattussaaffiinniit annaassimavaat.
Qaarusummi suliffiutillit pisortaat oqarpoq, annaassiniarneq ingerlalluartoq, sulisartullu tamarmik ajoratik anisinnaannissaat naatsorsuutigigitsik.
Qaarusummi sulisartut 3.000-iusut nalunaaquttap akunnerini 13-ini mattussaaqareersut annaassiniarneq aallartinneqarpoq. Tamanna qaarusummi sulisartut peqatigiiffiannit kingusippallaartutut nalilerneqarpoq, aamma qaarusummi isumannaallisaanerup amigaateqarnerujussua uparuartorneqarpoq.
- Qaarusuk taanna qangalili matuneqareertussaagaluarpoq, qaarusummi sulisut oqaaseqartitaat Lesiba Sheshoka kamassimaqisoq oqarpoq.
Ajutoornermut suna pissutaanersoq paasilluarneqanngilaq. Ilaat oqalupput elevatorit innaallagissamut aqqutaat kittorarsimasoq, ilaalli oqarlutik ruujori erngup aqqutaa qaarsimasoq taamalu innaallagissap aqqutaannut ajoqusiilluni.
