Pisumut tunngatillugu tigusarinnittoqanngilaq. Politiinilu pigaartut pisortaat qaartartoqarneranik qunusaarinerup qanoq ilungersunartigineranik oqaaseqarusunngilaq.Assi: News Oresund/flickr

Qaartitsinissamik sioorasaarisoqareersorlu timmisartumi ilaasut niorartitaasut

Qaartitsinissamik sioorasaarisoqariitsiareertoq timmisartoq Københavnip mittarfianut nunneqqammersoq timmisartumut ilaasut niorartitaapput. Qaartartumilli timmisartumi nassaartoqanngilaq.

Timmisartoq Københavnip mittarfianut nunnneqammersoq timmisartumut ilaasut niutinneqarput qaartitsinissamik sioorasaarisoqareernerata kingorna.

Københavnip politiivini pigaartut pisortaat, Espen Godiksen, taama paasissutissiivoq.

- Timmisartumi qaartartoqarneranik nalunaarfigineqarpugut. Tamannalu pivoq unnukkut qulingiluanut tanneq qulingiluanngoriilaartoq, Espen Godiksen oqarpoq.

- Tamatuma kinguninngua timmmisartoq Københavnip mittarfianut nunnippoq. Ilaasut tamarmik niutinneqarput, tamarmillu ajunngillat. Taakkua timmisartup mittarfiani immikkut ittumik oqaloqatigineqarput.

Timmisartoq Polenimit tikittoq mittarfimmi immikkut ittumut inissinneqarpoq misissorneqarlunilu.

Missisuinerat naammassisoq timmisartumilu qaartartumik nassaartoqanngitsoq, politiini pigaartut pisortaat ullumi marlunngornermi nalunaarpoq.

Pisumut tunngatillugu tigusarinnittoqanngilaq. Politiinilu pigaartut pisortaat qaartartoqarneranik qunusaarinerup qanoq ilungersunartigineranik oqaaseqarusunngilaq.



Nutaarsiassaateqarpit?

Nutaarsiassaateqarpit?

1717-imut SMS-erit, UNNIA allariarlugu kingornalu oqaluttuat allallugu.

Immersuivik atorlugu allaffigitigut knr.gl/1717

Emailikkulluunniit 1717@knr.gl