Kiinarpaqarnermut inerteqqummut akerliussutsimik takutitsisut tusintilikkuutaajusorineqarput. Asseq: Ritzau/Scanpix.

Qaartartut ikuallassaatillit gassilu qulliliornartoq Hongkongimi atorneqartut

Gassi qulliliornartoq qaartartullu ikuallassaatillit Hongkongip aqquserngini ullumi atorneqaqqipput.

Hongkongip siuttuata Carrie Lamip akerliussutsimik takutitsisuni kiinappallit ukioq ataaseq paarnaarussaasinnaanissaat pillugu sillimaniarnermut inatsimmik tallimanngormat atuutilersitsinerata kingorna akerliussutsimik takutitsisut pisiniarfinni, allaffinni qimuttuitsoqarfinnilu aseruatiteripput.

Kiinarpaqarnermut inerteqqummut akerliussutsimik takutitsisut tusintilikkuutaajusorineqarput.

Akerliussutsimik takutitsisut ilaat qarmasissianik qaartartunillu ikuallassaatilinnik miloriussisarput, politiillu gassimik qulliliornartutalinnik atuillutik.

AAMMA ATUARUK Hongkongimi politiit akerliussutsimillu takutitsisut aqqusinermi akersuuttut

- Kiinarpaqarnermut inerteqquteqalermat kamanneruliinnarpugut, ilisimatusarfimmi ilinniartoq kiinarpalerluni akerliussutsimik sapaammi takutitsisut ilaat Lee oqarpoq.

Qaammatini sisamani kingullerni akerliussutsimik takutitsisoqaqattaarpoq, Hongkongilu politikkikkut ukiuni qulikkaani aatsaat taama ilungersorfiutigaaq.

Akerliussutsimik takutitsinerit Hongkongimiut eqqartuussisutigoortinnissamut atatillugu Kinamut tunniunneqarsinnaanissaannut inatsimmut akerliunermik aallartipput, suliarli alliartorpoq, Kinallu naalakkersuisuinut maanna akerliusoqarluni.

AAMMA ATUARUK Aviisi: Hongkongimi akerliussutsimik takutitsisoq aallaaneqartoq

Kinap præsidentia Xi Jingping ukiut arfinillit matuma siorna præsidentinngortoq inunnit aatsaat taama sakkortutigisumik akerlilersorneqartigaaq.

ritzau/Reuters

Isummersuutit



Nutaarsiassaateqarpit?

Nutaarsiassaateqarpit?

1717-imut SMS-erit, UNNIA allariarlugu kingornalu oqaluttuat allallugu.

Immersuivik atorlugu allaffigitigut knr.gl/1717

Emailikkulluunniit 1717@knr.gl

KNR TV: TekstTV-mi paasissutissat

TTV q 110 Ullut tamaasa nutaarsiassat

TTV q 400 Timmisartuutinissat
aallartussat tikitussallu

TTV q 300 Tv-kkut aallakaatitassat
tulleriiarnerat

TTV q 300 radiukkut allakaatitassat
tulleriiarnerat