Qaartartut Gaddafip angerlarsimaffiata eqqaanut tupput
Tripolimi illorsuaq, Gaddafip illorsuata ungasinngisaaniittoq, ippassaq qaartinneqarpoq. Qaartitsinermilu Gaddafi toqoriarneqanngitsoq amerikamiut sakkutuuinit oqaatigineqarpoq.
Arabiami nunat ataatsimut Peqatigiiffiat Gaddafip uppitinneqarnissaanut tapersersuisuusoq saassussinernut sakkortuunut maanna uparuaavoq. Timmisartut atorlugit saassussinerni inuinnaat aamma toqutaasarnerat uparuaanermut peqqutaavoq.
Arabiami nunat ataatsimut peqatigiiffiata Libyami maanna saassussinernut assuarinnilernera Danmarkimi nunanut allanut ministerip Lene Espersenip illuatungilerpaa.
- Gaddafip Libyami innuttaasunut toqoraaneranut akuliuttoqarnissaanik nunarsuarmioqataasut piumasaat nunanit arlalinnit manna iliuuseqarfigineqartoq, isornartorsiorneqalerpoq. Kisianni tassa Libyami inuttaasut illersorniarlugit akuliunnerput eqqortuusoq aalajangiusimasariaqarparput, Lene Espersen oqarpoq.
