Assi: News Øresund - Johan Wessman/flickr/All creative commons

Sverigemi politiit: Qaartartut attornagit politiinut kalerriigitsi

Angutip 60-nik ukiullip Sverigemi Stockholmip kujataani qaartartoq tigugamiuk qaarmat toquvoq.

Taanna sioqqullugu qaartartut håndgranatit arlaqartut  Umeåmi Malmømilu nassaarineqarput.

Qaartartunik arlalinnik naassaartoqarnerata kingunerisaanik sverigemi politiit aarlerisaatinik mianersoqqussutinik sisimanngornermi nalunaaruteqarput: Qaartartut attornagit uninngatiinarsigit politiinullu sianerlusi, politiit sverigemi innutaasunut taama nalunaaruteqarput. 

AAMMA ATUARUK Stockholmimi qaartoqartoq

Sverigemi qaartartut pillugit oqartusaasut pisortaat, Bertil Olofsson oqarnera naapertorlugu,  angutip 60-nik ukiullip sapaammi ajunaarnera,  sverigemi illoqarfimmi sumiluunniit pisinnaagaluarmat.

Umeåmi qaartartoq ataaseq Malmømilu qaartartut pingasut nassaarineqarput.  Qaartartut nassaarineqartut pillugit Bertil Olofssonip qaarsinnaasunik takusaqaraanni mianersuutigineqarnissai erseqqissaatigai.

AAMMA ATUARUK Nuummi Politiit håndgranati isumannaatsumut inissikkaat

Ukiutoqaq aqaguttoq Nuummi radiofjeldemi qaartartumut assingusumik aamma naassaartoqarpoq.

Taamanna pillugu qaartartunik piginnittoq politiinit ujarneqarpoq, aamma paaserusunneqarluni sooq qaartartoq silamut qimaannarneqarsimanersoq.

 

Isummersuutit



Nutaarsiassaateqarpit?

Nutaarsiassaateqarpit?

1717-imut SMS-erit, UNNIA allariarlugu kingornalu oqaluttuat allallugu.

Immersuivik atorlugu allaffigitigut knr.gl/1717

Emailikkulluunniit 1717@knr.gl

KNR TV: TekstTV-mi paasissutissat

TTV q 110 Ullut tamaasa nutaarsiassat

TTV q 400 Timmisartuutinissat
aallartussat tikitussallu

TTV q 300 Tv-kkut aallakaatitassat
tulleriiarnerat

TTV q 300 radiukkut allakaatitassat
tulleriiarnerat