Qaartartut arsaarinnissutigineqartut pineqaatissiissutigineqarsinnaapput

Qaartartut qaartitsissutissartaalu katillugit 1,3 tonsinik oqimaassusillit, Maniitsumi politiinit arsaarinnissutigineqarsimapput. Illoqarfimmi akuerisaasumik qaartartunik toqqorsivimmik peqanngilaq, taamaammallu qaartartut avatangiisinut ulorianaateqartutut nalilerneqarlutik arsaarinnissutigineqarsimapput. Maniitsumi politiini stationslederi John Thorsen arsaarinnissimaneq pillugu ima oqarpoq.

- Qaartiterutissat assigiinngitsuupput tonsilu sinnilaarlugu oqimaassuseqarlutik. Malittarisassat unioqqutinneqarsimasoralugit taamatut arsaarinnissutigineqarput, John Thorsen oqarpoq nangillunilu:

- Politiinut suliakkiutigineqarpoq misissoqqissallugu taakkua qaartartunik inissisimaffigitinneqartut akisussaaffilerneqassanersut. Kingusinnerusukkut paasinarsissaaq qanoq pisoqarumaarnersoq, tassami qaartartut inissisimaffissaminngiinngitsut suulluunniit ulorianaateqarput,

Maniitsumi politiini stationslederi John Thorsen naggasiilluni taama oqarpoq.