Qaartartunut illersuusiap sunniutai paaserusuppai

Nunat Killiit Illersoqatigiiffiata, NATO-p, qaartartunut illersuussiaq nutaaq pillugu isumaqatigiissutaa, nunatsinnut qanoq sunniuteqassanersoq, Lars-Emil Johansenip qallunaat naalakkersuisuinit nassuiaqquaa.

Siumup Folketingimut ilaasortaatitaata, Folketingillu Kalaallit Nunaannut tunngassuteqartunut ataatsimiititaliaani siulittaasup, Lars-Emil Johansenip, Lene Espersen nassuiaaqqullugu qinnuigaa.

Qaartartunut illersuusiaq taanna pillugu ullumikkut isumaqatigiissummi, qaartartunut illersuusiap, Pituffimmi sakkutooqarfimmi aallartisarneqareersup

ineriartortinnissaanut Rusland ilaatigut suleqatigineqassaaq.

Taamaattumik NATO-mi isumaqatigiissutip Pituffimmi suliat, nunattalu qanoq inissisimanissaata qulaajarneqanissaat, Lars-Emil Johansenip kissaatigaa:

- Danmarkip qaartartunut illersuummut peqataaneranut Kalaallit Nunaat nunaliivoq, Danmarkiunngitsoq, Lars-Emil Johansen oqarpoq.

- Taamaattumik naapertuutissaaq paasissallugu NATO-mi aalajangiinerup nutaap uagut qanoq sunniuteqarfigissaneraatigut paasissallugu, Lars-Emil Johansen naggasiivoq.

Folketingip Kalaallit Nunaannut tunngassuteqartunut ataatsimiititaliaa tallimanngornermi novembarip ulluisa 26-anni tulliani ataatsimiissaaq.

Isummersuutit



Nutaarsiassaateqarpit?

Nutaarsiassaateqarpit?

1717-imut SMS-erit, UNNIA allariarlugu kingornalu oqaluttuat allallugu.

Immersuivik atorlugu allaffigitigut knr.gl/1717

Emailikkulluunniit 1717@knr.gl

KNR TV: TekstTV-mi paasissutissat

TTV q 110 Ullut tamaasa nutaarsiassat

TTV q 400 Timmisartuutinissat
aallartussat tikitussallu

TTV q 300 Tv-kkut aallakaatitassat
tulleriiarnerat

TTV q 300 radiukkut allakaatitassat
tulleriiarnerat