Qaartartunik nakkakaatitsisartup Danmark qaninngoorpaa
Danmarkimi inuit juullisiuleruttortut, Russit timmisartuat qaartartunik nakkakaatitsisartoq Danmarkimi illersornermut killigitamut qaninngoorluinnarpoq taamaattumillu danskit timmisartui F-16-it marluk qaartartunik nakkakaatitsisartumut orniguttariaqalerlutik.
Allattoq Jokum Nielsen
decembarip 25-at 2007 16:01
F-16-it marluk unnua’ qeqqarluinnalersoq qangattarput danskillu uuliasiorfiinut Gormfeltimi timmisartorlu qaartartunik nakkakaatitsissutaasartoq Tupolev-160 naapigiarlugu. Russit timmisartuat Murmanskimiit Norge sinilerlugu kujammut ingerlaarpoq, ingerlaarnerminilu Norskit timmisartuinit malinnaafiigineqarluni. Danmarkip sillimanissaamut killigititaanut tikiutilermat danskit timmisartui takkupput qaartartunillu nakkakaatitsissut utermat qimallugu.
Qaartartunik nakkakaatitsissutit qaninnerpaagamik Danmarkip silaannartaanut 120 km-imik ungasissuseqarput. Kingullermik taamatut pisoqarpoq oktoberip 30-ani. Tupolev 160 qaartartunik nakkakaatitsissutini nunarsuarmi sukkanersaavoq.
