Qaartartumeerisutut pasisat ujaarineqarput
Arnat marluk angullu Moskvami politiinit ujaarineqarput, taakku tassaanerarneqarput ippassaq angallattoqaleruttornerata nalaani qimuttuitsut nunap iluatigoortut unittarfiini marlunni imminut pilliutigalutik qaartartumeerisunik arnanik marlunnik, ingerlaqateqartut.
Allattoq Elisa Isaksen
marsip 30-at 2010 10:43
Aviisimi Kommersant-imi allaaserineqarpoq, taakkua Moskvap kujasinnerusuani tallimaallutik qimuttuitsut unittarfianniittut assiliivinnit alapernaarsuutinit assilineqarsimasut. Angutip kinaanera qanorlu kinguliaqarnera politiit paasisimavaat.
Qaartartumeerinernut akisussaasunik nalunaaruteqartoqanngilaq, taamaattorli arnat inuusuttut marluk 20-nik 25-nillu ukiullit imminnut pilliutigalutik qaartartummerisinneqarnerisigut, qaartartumeerisut Kaukasusimeersuunissaat Russit paasiniaasuinit pasitsaanneqartoq, aviisimi Berlingske Tidende allaaserineqarpoq.
Ikiligaasut ilaata ullumi napparsimmavimmi toquneratigut qaartartumeerinermi toqutaasut 39-nngortut oqartussanit nalunaarutigineqarpoq.
