Qaartartumeerinermi sisamat toqutaapput

Pakistaanimi nukappiaraq imminut toquriaatigaluni qaartartumeerinermini, inuit sisamat toquppai, inuillu aqqanillit ajoquserlugit.
januaarip 31-at 2011 10:37

Toqutaapput politiit pisortaat, Politiit pisortaata biiliani aquttoq politiit naalagaatalu paarsisua. Kiisalu inuk aqqusinikkut ikaartoq, aamma toqutaasunut ilaavoq.

Pakistaanimi qaartartut pillugit immikkut ilisimasallit misissuinerisigut paasineqarpoq, nukappiaraq imminut toquttoq 6-7 kg-lunik qaartartunik nammassimasoq.

Qaartitsinermi Talibanit akisussaassuullutik nalunaaruteqarsimapput, qaartitsinerminnilu Politiit ajutumeerniarlugit nalunaarutigisimallugu.

Qaartitsinerup piffissaq sivikitsoq qaangiuttoq qaartartoq alla aqquserngup sinaaniittoq Politii biilii saneqqunnerini aamma qaarpoq. Tassani politeeq ataaseq toqutaavoq, inuillu pingasut ajoquserlugit.