Qaartartumeerinermi inuit 80-it toqutaapput
Imminut toqoriaatigaluni Afghanistanimi qaartartumeerisoqarmat inuit 80-it toqutaapput. Afghanistanip kujasinnerusortaani nunap immikkoortortaani Kandaharimi qaartartumeerisoqarpoq, nuannaariartarfimmi qimmit paatinneqarneranni qaartartumeerisoqarami.
Allattoq Mads Lynge
Inuit 300-t missaanniittut illoqarfiup kippasinnerusortaani katersuussimapput.
Kandaharip guvernøria Assadullah Khalid Reutersimut oqarpoq inuit 80-it missaanniittut toqutaasimassagunartut.
Talebanit saassussisuunerarneqarput, talebanilli saassussinermik suli akisussaasuuneranngillat.
Talebanit NATO-mit 2001-imi uppisinneqarmatali toqutaasut aatsaat taama amerlatigipput.