Qaartartumeerinermi 19-it toqutaasut
Qaartartumeerinermi siullermi pisortat allaffeqarfiat Lahorep qiterpasissuaniittoq eqqorneqarpoq, inuillu 15-it toqutaallutik. Allaffeqarfik inatsisinik unioqqutitsisumik nunasisunik inunnillu anngiortumik eqqussuinermik akiuiniarfiuvoq.
Piffissami tamatumanerpiaq tassanngaanniit 10 kilometerinik ungasissusilimmi illoqarfiup immikkoortortaani, pisuut najugaqarfianni allamik qaartartumeerisoqarmat inuit sisamat toqutaapput. Pakistanimi pisortat nutaarsiassaqartitsiviat taama nalunaarpoq. Politiit oqaatigaat tassani imminuujutigaluni qaartartumeerisoqartoq. Tassa peqqarniisaarniat marluk biilertik unitsinneqarmat qaartartoq qaartissimagamikku. Februaarip 18-anni Pakistanimi Inatsisartunut qinersisoqarnerata kingornagut maannamut arfinileriarluni sakkortuumik qaartartumeerisoqartarpoq.
