Qaartartuliortut nassaarineqarnissaat tamaviaaruppaat
Yemen-ip sakkutuui aamma USA ujaasinermi peqataapput. USA-p ilungersuutigaa sukkanerpaamik qaartartuliortup Al-Qaida-mut ilaasortaassangatinneqartup tigusaanissaa.
Yemen-ip sakkutuut atorlugit ujaasineq annertooq provinsini marlunni aallartippaa, Ibrahim al-Assichiri tigusariniarlugu.
Al-Assichiri pasineqarpoq qaartartunik piffissaq kingullerpaaq atorlugu nassaarineqartuni pilersitsinermi ingeniøriusimasutut Al-Qaedap Amerikap silaannartaani qaartartunik qaartitsinnginneranni.
Yemen-imili pisortat nalugallarpaat al-Qaedap qaartartuliortua sumiinnersoq, kisianni takorloorneqarsinnaanngilaq siuarsimasunik atortorissaaruteqarani qaartartut pilersissinnaassimassagai.
Siullermik qaartartut nutaaliarujussuit pineqarput, aappassaanillu ilimagineqarpoq peqqarniisaarniat misileraasimassasut qaartartuunngitsunik nassitsisarnikkut.
Poortukkat Yemen-imiit Chigacomut nassiussat atuakkanik, CD-nik allanillu imallit amerikamiut septembarip qaammataani nassaaraat. Maannali tassa ilimagineqalerpoq peqqarniisaarniat taakku misileraanertut atorsimagaat, taamaaliornikkut angallanikkut atortorissaarutit allat atorlugit peqqarniisaarniat naatsorsorsinnaassagamikku qaartartut aqqutiminni annertunerpaamik sumi ajoqusiisinnaanersut.
