Qaartartorniummik misileraaneq iluatsinngitsoorpoq
februaarip 15-at 2005 11:16
Amerikamiut missiilinut illersuusiorniarnerminni atugassaminnut qaartartunik misileraanerat ippassaq pisoq iluatitsiffiuvallaanngilaq, USA-mi aviisit ilaat Los Angeles Times allaaserinnippoq.
Qaartartunik misileraaneq 500 mio.kr.-it affaannik naleqartoq qatangiinnarpoq. USA-mi illersornissaqarfimmit oqaatigineqarpoq misileraanermi iluatsitsinngitsoornermut atortut nunamiittut ajoquteqarsorineqartut peqqutaagunartut.
Qaartartoq qaartartunut silaannakkut ingerlaartunut timmisorniutissaq aallanngitsoorsimasoq oqaatigineqarpoq.
Amerikamiut rakitsinut illersorsuusiorniarnerminni qaammatini marlunngortuni misileraasarneri tamarmik iluatsinngitsoortarsimapput.
