Qaartartoq sorsunnersuaq kingullermeersoq nassaarigaat
Tysklandimi Berlinimi politiit inuit 5000-it missaanniittut ullaaq qimarngussortariaqarsimavaat, tassa sanaartornermik suliaqartut tuluit qaartartuliaannik, sorsunnersuarmi kingullermeersumik naammattoorsereersullu.
Allattoq Elisa Isaksen
Qaartartoq Tysklandimi illoqarfiit pingaarnersaata kippasinnerusuani Wilmersdorfimi nassaarineqarpoq.
Immikkut ilisimasallit qaartartutoqarsuaq taanna ajoqusiisinnaajunnaarsinnialeruttorpaat, qaartartorlu allamut isumannaatsumut nuunneqarsinnaanersoq misissorneqassaaq.
Immikkut ilisimasallit qaartartumik suliaqarnerisa nalaani inuit qimarngussorneqartut atuarfinnut pisortallu illorsuaataannut allanut inissinneqarallarput.