Qaarsutoqaq uumassusilik
Kalaallit Nunaata qaarsutoqaani nassaassaqarsinnaavoq nunarsuarmi uumassuseqartut siullerpaat amiakkuinik. Ilisimatuut atuagassiaanni naatsorsuutigineqarluartumi Sciencemi eqqartorneqarpoq Chicago Universitetimi ilisimatuut malussarniarsimasut Kalaallit Nunaata qarsutoqaa akoqartoq uumassuseqarsimasunik mikisuaqqanik ataasiinnarmik celleqarsimasunik ukiut 4 milliardingajaat matuma siorna uumassuseqarsimasunik.
Ataasiinnarmik cellellit tamakku – ilisimatuut ilumoorpata – uumassusillit amiakkuinik maannamut nassaajusarsimasunit 450 millioninik pisoqaanerupput.
Ilisimatuummi qularnaalluinnartumik suli oqarsinnaanngillat. Qaarsorli imarpissuup itsarsuarnitsap naqqaniissimavoq naqitsinerujussuakkullu kissataserujussuarsimalluni.
Qanorluunnillu ikkaluarpat ilisimatuut qaarsutoqaq siumugartik nuannaarutigilluinnarpaat.
- Ukumi nunarsuarmi immap naqqanut kinnerit pisoqaanersaraat sumilluunnillu uatsinnut oqaatiginiagaat pingaartorujussuupput, ilisimatuut pisortaat Nicolas Dauphas oqarpoq.