Qaannamik unammersuarnerit aallartipput

Qaannamik Paamiuni unammersuarnerit 75-it missaanniittunit peqataaffigineqartut ippassaq aallartipput. Unammersuarnerit pisarnertut naalagiaqatigiinnermik aallarnerneqarput, kingornatigut naatsumik parrunnermik unammisoqarpoq.

- Ullumikkut iligiikkaarluni aamma kinngusaqattaartoqarpoq, inernernillu suli tigusaqanngikkaluarlunga Nuummiut siuttuugunartut Iluliarmiullu tulliugunartut paasinarpoq. Suleqaterput Siverth Olsen oqarpoq.

Sila aasaanerani allanngorarpoq, siallertarlunilu anorlertarmat. Tamannali annerusumik maammamut sunniuteqanngitsoq suleqatitta erseqqissaatigaa.

- Soorunami anorlerpallaartillugu takisuumik parrunnernut killiliisinnaasarpoq, unamminerilli sinneri soorlu allunaariaqattaarnerit nalinginnaasumik unnuttalertarlugu sila qanoq ikkaluaraangalluunnit ingerlanneqarsinnaasarput. Siverth Olsen nassuiaavoq.

Ulluni tulliuttuni saqqussersorneqassaaq, meeqqani minnerusuni inuusuttuaqqanilu. Aqagu takisuumut parrunnerit ingerlanneqassapput allunaariaqattaarnerillu ulluni aggersuni ingerlanneqassallutik. Takisoorsuarmik parrunneq naggasiutigineqassaaq, taanna nalinginnaasumik unammissutaanngikkaluarluni alutorineqarluartarmat akissarsiassartalerlugu ingerlanneqartarpoq.