Qaannamik pissartanngorniunnerit aallartipput

Qaannamik unammersuarneq 2019 Qaqortumi ippassaq ataasinngornermi aallartippoq, peqataasut 140-t unammeriaatsit assigiingitsut arfininngornerup tungaanut unammissutigissavaat.
Assi © : Connie Fontain
Allattoq Jørgen Semionsen, Jens Thorin
juulip 09-at 2019 08:17

Ullaap tungaanili nunasarnermik anoraasuaqattaarmat pilersaarutit allannguallatsinneqarput, naatsumut parruttoqartussaagaluartoq taarsiullugu kinngusaqattaartoqarluni.

- Isumannaallisaaneq eqqarsaatigalugu pitsaanerusumik iliussagutta pilersaarut allanngortariaqaratsigu. Taamaasilluni kinngusaarneq ingerlanneqassaaq ullumikkut, ataasiakkaarluni kinngusaarneq, Qaannat kattuffiata siulittaasua Elias Inuusuttoq oqarpoq.

Taassuma pilersaarutit allannguallattariaqartarnerat nalinginnaasuunerarpaa.

- Qanoq unerisimatiginersoq apeqqutaalluni isumannaallisaaneq taanna salliujuaannarami.

Ullumi marlunngornermi anori qatsorsimassappat naatsumut parruttoqarnissaa naatsorsuutigineqarpoq.

Uummannamiit; Aasiaannit; Ililissaniit; Sisimiuniit Qaqortumiillu unammisut 140-it Qaannamik nunatsinni pissartanngorniuteqataasut.

Nutaarsiassami kukkunermik nassaarsimaguit uunga allaffigineqarsinnaavugut.

Aamma atuaruk