Qaannamik parrunneq: Karoline Nielsen VM-mi bronzennappoq
18-nik ukiulik Karoline Nielsen Saattormiunik ilaqutaqartoq qaannamik parrunnermi siullerpaamik VM-rtoqarnerani ujaminnappoq.
Rumæniami illoqarfimmi Baskovimi qajaqatinilu Sophie Blomgren sukkanernut pingajuullutik apuupput takisuumut parrunnermi arlaleriarlutik maqittareerlutik.
AAMMA ATUARUK Karoline Nielsen inuusuttuaqqat qaannamik parrunneranni nunarsuarmi sukkanerit arfineq pingajoraat
- Misigisamik aatsaat taama pikkunartigisoqarpoq nunarsuarmi pissartanngorniunnermi pingajuattut apuunnitsinni bronzennakkatta. Misigisaq puigunngisaannassavara, Karoline Nielsen KNR-mut oqarpoq.
Unammineq aallartimmat Karoline Nielsen aamma Sophie Blomgren siuartunut ilaallutik Ungarnimiut malippaat inorsaatigilerlugilli.
Taakku siuaagamikkit Sydafrikameersut unammersuareerlugit bronzennapput.
- Pisoq taannarpiaq oqiliallannarlunilu tupinnaqaaq aappaagu aamma misigeqqikkusunnartoq. Inuuninni taamarsuaq nuannaarnikuunngilanga. Nuanneqaaq, Karoline Nielsen aappagumiit U-23-ni unammisartunngortussaq oqarpoq.
KNR.gl-imi isummersorfik teknikkikkut ajutooqqavoq. Ajoqutaa misissorparput.