Qaanaarmiut unnugu 19:00 ataatsimiisinneqalerput

juunip 08-at 2007 15:37

Qaanaami innuttaasut unnugu nalunaaqutaq arfineq marluniit ataatsimiisinneqassapput.

Ataatsimiisitsinermi innuttaasunut ilisimatitsissutigineqassapput ataatsimiititaliap Qaanaarlu pillugu suleqatigiissitaliap qanittukkut Nuummiinnermini Naalakkersuisunik ataatsimeeqatiginninnermini angusai.

Ataatsimiisitsinermissaaq imigassap ammaqqinnissaa pillugu taasisitsisoqarnissaanik siunnersuutigineqartoq, qanorlu taasisitsinerup ilusilerlugu ingerlanneqarnissaa oqaluuserineqassasut, Qaanaap borgmesteria Jens Danielsen nalunaarpoq.

Qaanaami imigassap ammaqqinneqarnissaanut taasisitsinissap juunip aqqarnanni nalunaaqutaq quliniit ualikkut sisamat tungaanut pinissaa siunnersuutigineqarpoq, tamannalu tassa innuttaasunik unnugu arfineq marluniit ataatsimiisitsinissami eqqartorneqassasut, Jens Danielsen nalunaarpoq.