Qaanaarmiut tallimat taarsiivigeqqupput
Qaanaarmiut tallimat Thulemit 1953-imi nuutsitaasimanertik pissutigalugu Østre Landsretimut suliassanngortitsinerat ullaaq nalunaaqutaq qulingiluanut eqqartuussissutigalugu suliarineqarpoq.
Suliassanngortitsisut tallimat taarsiivigeqqulluni suliassanngortitsinermut siullermut ilaasimanngillat, maannalu suliassanngortitsillutik, taakku eqqartuussisuserisoraat Christian Harlang.
Eqqartuussinermi massakkut pisumi Avanersuarmiut tallimat pineqartut 250.000 kronenik tamarmik immikkut taarsiiffigeqqupput. Ullumi eqqartuussinermi taperserneqassanngippata, suliaq Eqqartuussiviit Qullersaannut ingerlateqqittussanngorlugu suliakkiissutigineqassasoq, Christian Harlang oqarpoq. Taamaaliortoqanngippat suliaq Strassbourgemi inuit pisinnaatitaaffiit pillugit eqqartuussivimmut anngussinnaanavianngimmat.
- Tamanna pisariaqassaaq, suliarmi Danmarkimi eqqartuussivinnit naammassineqarsinnaanngippat pisinnaatitaaffiit pillugit eqqartuussiviup suliarisariaqalissavaa, Harlang erseqqissaavoq.
