Qaanaami innuttaasut naammagittaannarsinnaajunnaarput, kommunillu aningaasatigut ajornartorsiorneranut borgmesteri iliuuseqanngippallaarnerarlugu akerliullutik atsiortitseqattaarlutik.
- Maannamut atsiornerit nunaqarfik Savissivik ilanngullugu 167-ipput. Nunaqarfiillu sinnerini aamma atsioritsinissarput naatsorsuutigaarput, atsiortitsinermi aqutsisoq Inge Qaavigaq oqarpoq.
Atsiortitsinermut tunngavilersuutigineqarput innuttaasut ataatsimiisinneqarneranni eqqaaneqarsimasoq kommunalbestyrelse ataatsimiikkaangat oqaluuserisassat oqaluuserineqaannartarsimasut itinerusumillu iliuuseqarfigineqartaratik.
- Borgmesteri ikkummalli iliuuseqarfigisassat uneraannalersimanerat malunnarluinnarpoq, maanilu uagut innuttaasuusugut nipaappallaaqaagut, Inge Qaavigaq oqarpoq.
Atsiortitsinerit borgmesterimut Johanne Nielsenimut Kanukokamut ombudsmandimullu ingerlatinneqassapput.