Qaanaarmiut kattuteqataarusupput
Qaanaap kommunea avannaani kommunerujussuanngortussamut ilanngunniarluni ullumi aalajangerpoq.
Aavannaani kommunerujussuassamut ilanngunnissamut atatillugu Qaanaarmiut arlalinnik piumasaqaateqarput.
Piniagassanik agguaassisarnerni aalajangiisarnissanilu oqartussaaqataarusupput.
Qaanaap kommuneani Borgmesterip tullia Naimangitsoq Petersen oqarpoq taavani piniagassat taavanngaanniit aqunneqarnissaat pingaartuummat piniakkanik illersuineq pisassiissutinillu aqutsineq Inughuit namminneerlutik aquttariaqaraat.
Inughuittaaq Aningaasaateqarfimmut Thulefond-imut aqutsisuullutillu nakkutilliisuusariaqartut Qanaarmiut piumasaqarput.
Avannaani kommunerujussuanngortussamut Kangaatsiap kommunea ilannguniarluni novemberimili aalajangerpoq.
Qeqertarsuup kommuneata kommunerujussuassamut sorlermut ilanngunnissi ippassarli aalajangerpaa, innuttaasulli allagarsiinikkut paasitinneqareerpata tamanna avammut saqqummiunneqarumaartoq, Qeqertarsuarmi borgmesterip tullersortaa Bea Andersen Broberg oqarpoq.
