Qaanaarmiut arsaartorneqarput
Qilalugartassat agguaateqqinneqarnerani, Qaanaami pisassaagaluit kitaata sinneranut nuutinneqarnerat, Qaanaami piniartuniik arsaarinninnerusoq, Inuit Ataqatigiit sinnerlugit inatsisartuni ilaasortaq, Ane Hansen tusagassiutinut nalunaaruteqarnermini allappoq.
Ane Hansen isumaqarpoq, Qaanaap kommuneani maleruagassaqarneratigut, Qaanaami piniartut kisiartaallutik piujuaannartitsinissaq pingaartillugu piniartartut. - Qilaluarniartarnermi qaannamik piniuteqarneq nammineerluni piniapilunnginnissamik killiliisooreerpoq, Ane Hansen allappoq.
Qaanaami qilaluarniartarnerit Majip qaammataaniit Septembarip qiteqqunnerata tungaanut taamaallaat ingerlanneqartarput.
Ane Hansen isumaqarpoq, kitaani qilaluartassanik nuussineq Qaanami piniartunik pilliuteqarnertut iliornerusoq.
- Aalisarnermik Piniarnermik Nunalerinermillu ataatsimiisitaliamiit Naalakkersuisut aperineqartaqarput, Avanersuarmi piniartut 2006-mi Juunip tungaanut qanoq iliuuseqarfineqassanersut, Ane Hansen allappoq.
