Qaanaap kommuneani aningaasaqarnikkut ajornartorsiornernini pissutigalugu kommuneqarfiit nakkutilliisoqarfianit nakkutigisaalersumi annertuumik sipaarniartoqassaaq, taama oqarpoq Namminersornerullutik Oqartussani nunatsinni pissutsinut allaqarfimmi pisortaq Leif Scharling.
Qaanaap kommunea 7 millioni koruunik atorniarpoq, aningaasallu atukkiunneqartut sukannersumik piumasaqaatitalerlugit tunniunneqarput.
- Aappaagu aningaasanut missingersuummi 40 millioni kruuninik missingersuusiorfiusumi 6 millioni koruunit isumaqatigiinniarnissamulluunniit periarfissiinertaqartinnagit atukkanik akiliinissamut illuartinneqarput, Leif Scharling oqarpoq.
Erseqqissaatigaa Qaanaap kommunea ingerlaqqissappat taama sukannertigisumik piumasaqaateqarsimaneq periarfissat kingullersarisimagaat.