Qaanaami imigassaq annerpaamik 15 procentimik aalakoornartortalik, tuniaqqinneqarsinnaasunngorlugu ammaqqinneqassappat, Qaanaami kommune piumaffigineqarpoq, meeqqanut inuusuttuaqqanullu tunngatillugu upalungaarsimaniarluni piareersimasussamik pilersaarummik naalakkersuisunut tunniussaqaqqaassasoq.
Qaanaami borgmesteri nalunaarpoq pilersaarummik naalakkersuisunut tunniussereerlutik.
- Naalakkersuisut ataatsimeeqatigereerlutigit, pilersaarut ullumi nassiupparput. Aamma qangali piareersimasimavugut, Qaanaami borgmesteri Jens Danielsen oqarpoq, nangillunilu: - Ima piareersimatigaagut, allaat imigassaq ullumikkut ammarneqarsinnaalluni, tassa taamatut piareersimatigaagut.
Qaanaami borgmesteri Jens Danielsen taama oqarpoq.
Imigassat kimittunerit ammaqqissinnaaneri pillugit juunip 25-iani eqqartuisoqassasoq, Qaanaami borgmesteri aamma oqarpoq.
Radioaviisi tamakkiisoq nittartakkatsinni aamma tusarnaarneqasinnaavoq.