Qaanaaq palasitaalerpoq
Qaanaaq ukioq ataaseq sinnilaarlugu palaseqarsimanani sapaatiuppat nutaamik palasitaalerpoq.
Allattoq Per Andersen
decembarip 15-at 2011 10:51
Nunatsinni illoqarfiit avannarpasinnersaat, Qaanaaq 700-t missaannik inuttussuseqartoq, kiisami palasissaaleqinerminik aniguisussanngorpoq. Tassami Ekílana Simigak sapaassuit sisamaanni Qaanaap oqaluffiani palasitut ivertinneqassammat. Qaanaaq siornali septemberimi palaseqarsimanngilaq.
