Qaanaaq atukkerneqarpoq
novembarip 15-at 2006 11:37
Naalakkersuisut aalajangerput aappaagumut Aningaasanut Inatsisitigoortumik Qaanaap kommunia 7 mio. koruuninik atukkerneqassasoq.
Taakkulu kittaarlugit tunniunneqartassasut erseqqissaatigineqarpoq, taamatuttaaq sakkortunerpaamik piumasaqaatigineqarpoq kommunip aningaasaqarnermik aqutsinini tamakkiisumik sukateriffigissagaa.
Tamanna pillugu Qaanaap borgmesteria Johanne Nielsen ullaaq manna oqaaseqarumanngikkallarpoq.
Qaanaamili kommunaldirektøri Poul Alex Jensen oqaluttuarpoq inuussutissarsiornerup inerisarneqarnissaanut tunngasumik Ilulissani sapaatip akunnerini aggersuni ataatsimiissallutik.
Qaanaap kommunia aasaq manna junip qaammataani Grønlandsbankimit 7 mio. koruuninik aamma atukkerneqarpoq.
