Qaanaap eqqaani mingutsitsineq

novembarip 28-at 2005 07:35

1968-mi Qaanaap eqqaani timmisartup qaartartumik usisup B-52-ip nakkarnerata kingorna, Thule-mi sakkutooqarfiup eqqaani plutonium-mik mingutsitsisimaneq paasiniarlugu misissuinermi Risø-p nalunaarutaani innersuussisoqarpoq mingutsitsisimaneq misissorluarneqassasoq. Tamaannalu Danskit naalakkersuisuisa malinnialerpaat.

Danskit nunanut allanut ministeria Per Stig Møller, Kuupik Kleist-ip allagaanut akinerani tamanna erserpoq.

Kuupik Kleistip allakkamini uppernarsartikkusuppaa, mingutsitsisimaneq pillugu misissuinermi USA peqataasimanngitsoq.

Qaanaap eqqaani nunap mingutsinneqarsimaneranik misissuinermi 2003-mi danskit aallartitaqarput, tassanilu Statens Serums Institut-ip misissugassatut tigusimasatik naammaginartinngilaat, misissueqqittoqarnissaalu kissaatigalugu.

Mingutsitsisimaneq pillugu paasissutissat USA-p katersorsimasai Danmark-mit piumaneqassasut nunanut allanut ministerip Per Stig Møller-ip allakkatigut akinermini oqaatigaa.