Qaanaamigooq navianartoqanngilaq, Qaanaarmiulli allatut oqarput

Naalakkersuisuugallartut siulittaasuata Hans Enoksenip naalakkersuisuugallartunilu ilaasortap Asii Chemnitz Naruppip Qaanaami borgmesteri Johanne H. Nielsen ualimut ataatsimeeqatigaat.

RISØ-p nalunaarusiaa, qinngornernik navianartoqarneranik uppernarsaasuusoq, qanoq iliuuseqarfigineqarsinnaanersoq ilaatigut oqaluuserineqarpoq:

- Malunnarpoq innuttaasut toqqissisimanngitsut, pingaartumik ulluinnarni piniakkat eqqarsaatigalugit, naak ilisimatooq ilagisarput oqalukkaluartoq qinngornerup navianartup avatangiisinut sunniussimanera ima annikitsigisoq nerisassat akoqaraluarpataluunniit nerineqarsinnaallutik, Hans Enoksen oqarpoq.

Qaanaami innuttaasut maluginiarsimavaat, kræftertut amerliartortut taamalu uumasut pisarineqartartut eqqumiitsunik nalaatsiffigisaritik.

- Innuttaasut nassuiaallutik oqaluttuarput, qangarnit naleqqiullugit, soorlu; amerluutit, naggussakkut anniarnerit kræftertullu amerliartortut. Tamatuma avataatigut piniakkat soorlu; puisit, aarrit, ussuillu ilui marniliuuttut, ilaallu puaarutilerlutillu tinguerutilersut oqaluttuarineqarput, Hans Enoksen oqaluttuarpoq.

Taamatuttaaq mitit, appat, appaliarsuit, qaqulluit naajallu toqorartarnerat innuttaasut ernumassutigigaat maluginiarsimavaa.

- Paasilluarsinnaavakka ernumappata, tassami uumasunik nerisaqartuummata. Tamaasa qulaarlugit misissuisoqarnissaa kissaatigaat, tamannalu tapersersornartipparput, Hans Enoksen oqarpoq.

Hans Enoksenip Asii Chemnitz Naruppillu Qaanaami borgmesteri aamma ataatsimeeqatigaat. Alloriarnerlu tulleq tassaanerarpaat, danskit statsministeriata Anders Fogh Rasmussenip attavigineqarnissaa.

RISØ-p nalunaarusiaa inaarlugu 2006- ip aallartinnerani naammassineqassaaq.

Qaanaap borgmesteria Johanne H. Nielsen Radioaviisimut oqarpoq, Qaanaap kommunia Namminersornerullutik Oqartussaniit ilimasaarneqarsimasoq mingutitsinermut saliinissamut suleqatiginnikkumaarlutik.

Isummersuutit

inatsisartut-sal-sep2019.jpg

Inatsisartut Ukiakkut Ataatsimiinnerat



Nutaarsiassaateqarpit?

Nutaarsiassaateqarpit?

1717-imut SMS-erit, UNNIA allariarlugu kingornalu oqaluttuat allallugu.

Immersuivik atorlugu allaffigitigut knr.gl/1717

Emailikkulluunniit 1717@knr.gl

KNR TV: TekstTV-mi paasissutissat

TTV q 110 Ullut tamaasa nutaarsiassat

TTV q 400 Timmisartuutinissat
aallartussat tikitussallu

TTV q 300 Tv-kkut aallakaatitassat
tulleriiarnerat

TTV q 300 radiukkut allakaatitassat
tulleriiarnerat