Qaanaami ulussaarsuarlunilu issittupilussuaq

Avannaani silarlorujussuarnerata malitsigisaanik Qaanaap avataani siku aserorterpoq.

Danmarkimi silasiorfik DMI naapertorlugu sumiiffimmi sekundimut meterinik 50-inik sakkortussusilimmik anoraasuasarluni ulussaarsuaqarnera tamatumunnga pissutaavoq, aamma 22-nik issippoq.

- Ukiukkut taama issitsigisarnera Kalaallit Nunaanni nalinginnaasuuvoq, taamali anorlertigitillugu taama issitsigisarnera qaqutigoortupilussuulluni. Matumanilu silaannaq nillertoq tropopausemut (troposfærip stratosfærellu akornannut, aaqq.) anngussimavoq, taamaalisoqarneranilu naqitsiniisaffik sakkortooq nalliussimaleraangat silarlorujussuartarpoq, silasiortoq Erik Hansen taama oqarpoq.

Aamma atuaruk Qaanaami atuarfik anorersuarnera pissutigalugu matoqqassaaq

Qaanaaq qaqqap saqqaani inissisimavoq, silaannarmillu nillertupilussuarmik avanneraangat anori qaqqap tunuata naqqanut ingerlaalersarpoq illoqarfiullu nalaani silaannaq nillertupilussuaq atuutilersarluni.

- Ima paasillugu, silamut anillakkaanni, taava anorip qiianarsisitsisarnera -60 gradit missaanniittarpoq.

 

Isummersuutit



Nutaarsiassaateqarpit?

Nutaarsiassaateqarpit?

1717-imut SMS-erit, UNNIA allariarlugu kingornalu oqaluttuat allallugu.

Immersuivik atorlugu allaffigitigut knr.gl/1717

Emailikkulluunniit 1717@knr.gl

KNR TV: TekstTV-mi paasissutissat

TTV q 110 Ullut tamaasa nutaarsiassat

TTV q 400 Timmisartuutinissat
aallartussat tikitussallu

TTV q 300 Tv-kkut aallakaatitassat
tulleriiarnerat

TTV q 300 radiukkut allakaatitassat
tulleriiarnerat