Qaanaami ullumi seqinersiussapput

Qaammatit tallimat kaperlariillartorlu seqinersuaq Qaanaamut ullumi nuivoqq. Ilinniartitsisoq Johan Lyberth Kapisilinniit Qaanaamut 2003-imi nuuttoq seqernup nuinissaanut aamma erinisoqataavoq:

-Ukiut siulliit kaperlattarnera ajunngilaq, kisianni ukioq manna assut artornalaarpoq, ukiut pingajussaat nikinnaga maaniiginnarama, ukioq manna allaanerusutut misigeqaara, Johan Lyberth oqaluttarpoq.

Silap qalipaataasa taakkuinnaanerat, silallu taartuinnaasarnera malunnarnerarpai.

- Aasanera nuanneruttorli ukiakkut upernaakkullu qalipaatit malunnartorujussuusarput, ukioq mannalu taarnersua taamaalilluni artornalaarpoq. Sinikkuma iteruma taartoq. Ukiaanerani qaamaneq nungukkiartorpoq, naggataagullu taamaallaat killingusaami, aappillertarluni sivikitsunnguamik, Johan Lyberth oqaluttuarpoq.

Taaginnariarluni sukkasuupilussuarmik qaammariartortarnerarpaa.

-Seqineq ullumi ataaseq qaangerlugu tanneq sisamat miss. Nuissaaq sivikitsumik. Atuartullu pikani Telep qaqqamiit isiginnaassavarput. Meeqqat atukkersorsimasarput, erinarsoqatigiittarpugullu, ukioq mannalu ilinniartitsisoq nutaaq oqalugialaassaaq, Johan Lyberth oqaluttuarpoq.

Isummersuutit



Nutaarsiassaateqarpit?

Nutaarsiassaateqarpit?

1717-imut SMS-erit, UNNIA allariarlugu kingornalu oqaluttuat allallugu.

Immersuivik atorlugu allaffigitigut knr.gl/1717

Emailikkulluunniit 1717@knr.gl

KNR TV: TekstTV-mi paasissutissat

TTV q 110 Ullut tamaasa nutaarsiassat

TTV q 400 Timmisartuutinissat
aallartussat tikitussallu

TTV q 300 Tv-kkut aallakaatitassat
tulleriiarnerat

TTV q 300 radiukkut allakaatitassat
tulleriiarnerat