Qaanaami qimminut juulli

decembarip 11-at 2004 17:27

Qaanaap kommuneata Danmarkimi illoqarfittut ikinngutaata Hundestedip kommuneata Qaanaami qimmit juullikkunni kaattussaajunnarlugit nerukkaatissaannik 3 tonsinik pajuppai.

Qaanaami qimminut nerukkaatissat orsoqarluarlutillu inuussutissaqarluarluartut Qaanaami borgmesterip Naimanngitsoq Petersenip Hundestedimilu borgmesterip Hans Schwennesenip ajornartorsiut iliuuseqarfigaat.

Ajornartoorluinnarnermi ikinngutit pingaaruteqarluinnalertarput. Soorlumi Qaanaap kommuneata Danmarkimi illoqarfittut ikinngutaata Hundestedip kommuneata tamanna uppernarsaraa, ilaatigut borgmesterip Hans Schwennesenip nammineq lastbiilinik ingerlatitsisuulluni Danmarkip ilarujussua aqqutigeqqaarlugu nerukkaatissat 3 tonsiusut nassiukkiartorsimagai.

Siusinnerusukkut Ilulissat kommunea Air Greenlandilu suleqatigalugit Royal Greenlandimiit qimminut nerukkaatissat 800 kiilut Qaanaami piniartunut tunniunneqarput.