Qaanaami piniartut unioqqutitsillutik Ellesmere-p Qeqertaani Canadamiunit pisuutinneqarlutik allaaniartarnerangaanerminnit
Piniarnermut Aalisarnermullu Pisortaqarfimmiit
Tamakkiisumik pinngitsuutitaanissaminnit illersorneqarput.
”Pisuutitsinerit illaatigisassaannaappulluunniit taama oqarpoq; Uusaqqak Qujaukitsoq, Avanersuarmi inuit tusaamaneqarluartut ilaat, KNR-mit apersorneqarluni.
Erseqqissaatigaalu, Inughuit Nunaata Canada-llu ikersuat ukiumiluunniit maannakkut imarorsimajuaannartoq taamaammallu qimussimik atugassaasanngitsoq.
Aviisimut Politiken-imut allaffimmi pisortaasoq; Ole Heinrich, Piniarnermut Aalisarnermullu Pisortaqarfimmeersoq ullumikkut oqarpoq;
”Qaanaami piniartut Inuit Canada-meersut assiginagit piniarnerminni qamuteralaat snescooterit atorneq ajoraat, taamaattumillu snescooter-it aqqutikui Inughuarnit pisuusimanavianngitsut. Ukiunilu kingullerni Canada-p tungaanut imarorsimajuaannalermat Inughuit ikersuakkut ikaarsimanavianngitsut”.
Canadap ukiuni kingullerni Danmarki nunallu allat assigalugit nunaatini issittumiittut soqutigisaqarfigileraluttuinnarsimavai, silaannaap kissatikkiartornera ilaarlugu pisuussutit uumaatsut sermimit apummillu saqqummeraluttuinnarmata, aammalu ”Sullualuup” (Nordvestpassagen) umiarsuarnit aqqutigineqariartuinnartussaanera ilaarlugu tupinnanngitsumik Canadamiut taamatut Inughuit piniartortaannik kalaallinillu saassutarinninniarsarigaluarput.
