Qaanaami piniartut amerlanernik aaffattassinneqarusupput
Piniartut Avanersuarmiut ippassaani tupaallaatigeqisaminnik nalunaarfigineqarput aaffanniarneq unitsinneqartoq, pisassiissutit nungunneqarnerat pissutigalugu. Aarrup neqaa Avanersuarmi qimminut nerukkaatissatut pingaaruteqarluinnartuuvoq, piniartullu ukiup naanissaanut aaffanniarsinnaajunnaarunik qimmit nerukkaatissaarunnissaat ernumanartoqartippaat. Taamaattumik ukiup naanissaanut 25-nik immikkut ittumik aaffattassinneqarnissartik piumasaraat.
- Piniartukkormiuusugut KNI-mi qimminut nerukkaatissanik pisinissatsinnut akissaqanngilagut. Ukiaq mannalu puisit annerusumik isumalluutaasinnaanngillat, puiseqannginnera pissutigalugu. Taamaattumik aaffanniarnerup unitsinneqarani ingerlaannarnissaa kissaatigaarput, piniartut peqatigiiffiannit allapput.
Ilanngullugu oqaatigaat 2009-mi januaarimiit puisit amiinit ameerutit taamaallaat 509-nik amerlassuseqarsimasut, ukiaaneranilu puisit annerusumik isumalluutaasinnaanngitsut, puiseqannginnera pissutigalugu. Taamaattumik ukiup naanissaanut 25-nik immikkut aaffattassinneqarnissartik piumasaraat.