Qaanaap kommuneani aningaasaqarnerup nalunaarusiorneqarnera kiisami naammassilerpoq.
- Sapaatip akunnerata tulliani tamarmi ilaannakortumilluunniit naammassissaaq, Qaanaami kommunaldirektøriugallartoq, Orla Iver Madsen, oqarpoq.
Nalunaarusiap juunip naanerani naammaassinissaa ilimagineqaraluarpoq, naatsorsuuserinermilli suliaqartup maanna suliaraa.
Qaanaami kommunep aningaasaqarnera upernaaq ajalusuungajattoq nalunaarusiami atuarneqarsinnaassaaq.
- Naatsorsuuserisoq maanna ulapeqaaq. Nalunaarusiornini qaammammik ataatsimik sivitsorusukkaluarlugu ippassaq oqarfigaanga, kommunaldirektøriugallartoq Orla Iver Madsen oqarpoq.
Sivitsuisoqarsinnaanngilarli, naatsorsuuserisummi aallarfissaa maanna ullulerneqareerpoq.