Qaanaaq kunngissatta angerlassimaffiatut aappaattut taaneqarsinnaavoq. Ernertaarsimanerat Qaanaarmiunit nuannaarutigineqaqaaq, kunngissakkullu ikinngutaat Uusaqqak Qujaukitsoq Qaanaamiit oqaluttuarpoq, nammineq allatulli nuannaarsimaqaluni Frederik Mary-lu ikinngutigilluakkatik ernertaarsimammata.
-Nuanneqaaq tv-kkut takullugu kunngissaq qanoq pilluarpalutsigisoq.
Qaanaami innuttaasut tamarmik nuannaaqaat, tamarmillu imminnut pilluaqqusaqattaapput. Illoqarfimmi erfalasulerfiit tamarluinnarmik erfalasoqarput, kalaallit qallunaalluunniit erfalusuinik.
Illoqarfik tamarmi uummartutut ippoq inuillu tamarmik nuannaaqaat, Uusaqqak Qujaukitsoq oqarpoq.