Qaanaami immiaarartornerulinngillat

Siorna maajip qaammataani imigassat kimittuut Qaanaami tunisaajunnaarput, tamannalu immiaaqqanik imernerulernermik kinguneqarsimanngitsoq Qaanaami pisinniarfiup ittorigallagaa Neils Peter Petersen oqarpoq.
juulip 02-at 2008 10:55

Qaanaap kommuniani imigassat kimittuut siorna maj-ip qaammataani tunisaajunnaarsinneqarput, ukioq mannalu umiarsuaq siulleq suli tikinngeriartoq, pisiniarfik immiaaqqanik nalinginnaasunik nunguutsivoq.

Tamannalu takornartaanngitsoq immiaaqqanillu imernerulernermik kinguneqanngitsoq Qaanaami pisinniarfiup ittorigallagaa Neils Peter Petersen oqarpoq.

Umiarsuup Qaanaamut pajuttusap siulliup, Juli 30-ni tikittussap, immiaaqqanik nassataqarumaarnissaa suli ilisimaneqanngilaq.