Qaanaami imeq saviminernik seqummakulik

Erngup septembarip qulingiluaani misissuiffigineqarneratigut imeq savimineeqqat sequnnikuinik akoqartoq paasineqarsimavoq. Taamaattumik imeq suli savimineeqqat sequnnikuinik akoqaratarsinnaavoq, Qaasuitsup Kommunia upalungaarsimasut pisortaat Bjarne Gregersen tusagassiorfinnut nalunaaruteqarluni ippassaq pingasunngornermi taama allappoq.

- Erngup imertakkap savimineeqqat sequnnikuinik suli akoqarsinnaanera pillugu kommunip suliffeqarfinnut paasissutissiinikkut nalunaaruteqarnissaa pingaaruteqarluinnartuuvoq, taamaattumillu inassutigineqarpoq kaffit aqajussaanut tamakkualuunniit assigisaannut imeq kuutseqqaarlugu imerneqartaqqullugu, uplalungaarsimasut pisortaat allappoq. 

Savimineeqqat sequnnikui imermut ilaatillugit iigaanni inalukkatigut annertuumik akornutissarsisoqarsinnaavoq.