Ornittakkani katillugit arfineq marlunnik sulisoqarpoq, naallu unammillernartoqaraluartoq sulisunut aamma pitsanngoriaateqartoqarpoq. Toqqorsivimmit assiAssi: Andrew Watson / Flickr

Qaanaami atuareernermi ornittagaq illumik ataatsimik ilaneqartoq

Qaanaami meeqqat atuareernermi ornittakkamiittartut pinngorfissaqarnerulaalerput. Avannaata Kommuniatami sunngiffimmi ornittagaq illumik allamik ilassuserpaa.

Qaanaami atuareernermi ornittagaq illumik allamik ilaneqarpoq. Taamaasilluni illoqarfiup meerartai 80-it missaannittut inissaqarnerulerput, tamannalu meeqqat sulisullu iluarusunnerulernerannik kinguneqarpoq.

Qaanaami Peqqinneq Sunngiffiullu immikkortortaanni aqutsisoq David Qujaukitsoq taama unnersiorpoq.

- Meeqqat tattorliukkunnaaramik taannalu puullaaqisarnerat aamma annikinnerulertoq maluginiarparput. Soorunami nukarliunerulaat taavalu uku akulliit meerarpassuugamik. Massakkut ajunnginnerulaamik inissisimalerput, taavalu inuusuttut unnukkut massakkut Isaariamik taasagaanni aamma isertarnikuusut alutorivaat massakkut iserfimaffeqalernertik, iluarisimaarpaat, David Qujaukitsoq oqarpoq.

Illu atuareernermi ornittagarineqalersoq siornatigut timikkut pisinnaasakinnerusut utoqqaallu najortagarisimagaluarpaat.

Illoqarfiullu meerartaat 80-it missaanniittut taakkununnga agguataarneqarsimalerput.

Ornittakkani katillugit arfineq marlunnik sulisoqarpoq, naallu unammillernartoqaraluartoq sulisunut aamma pitsanngoriaateqartoqarpoq.

- Tattorliukkunnaarnerat aamma soorunami sulisut iluarisimaartorujussuuaat, qujamasunnarpoq aamma taakkununnga pulaarakkit eqqissisimanerujussuanngorput meeraatinngui iluarusupput aamma. Naak sulisoqarniarnikkut taakku ilinniakkat unamminartorujussuugaluartut aamma pitsanngorsaaniarnigut arlalippassuupput, kisianni soorunami iluarisimaarparput taamatut atugassaqartitaammata, Qaanaami Peqqinneq Sunngiffiullu immikkortortaanni aqutsisoq David Qujaukitsoq oqarpoq.

 

Isummersuutit



Nutaarsiassaateqarpit?

Nutaarsiassaateqarpit?

1717-imut SMS-erit, UNNIA allariarlugu kingornalu oqaluttuat allallugu.

Immersuivik atorlugu allaffigitigut knr.gl/1717

Emailikkulluunniit 1717@knr.gl

KNR TV: TekstTV-mi paasissutissat

TTV q 110 Ullut tamaasa nutaarsiassat

TTV q 400 Timmisartuutinissat
aallartussat tikitussallu

TTV q 300 Tv-kkut aallakaatitassat
tulleriiarnerat

TTV q 300 radiukkut allakaatitassat
tulleriiarnerat