Qaanaami aningaasaateqarfiliorniarput

Qaanaami Aalisartut piniartullu peqatigiiffiat Qaanaap kommunea suleqatiseralugu siunissami sillimanissaq eqqarsaatigalugu aalisartunut piniartunullu aningaasaateqarfimmik pilersitsinialerput.

Ukiuni kingullerni silaannaap allanngoriartornerata kingunerisaanik Qaanaami piniartut inuussutissarsiornermikkut ajornartorsiortitaasarnerat

Qaanaami Aalisartut piniartullu peqatigiiffianiit iliuuseqarfiginiarneqalerpoq.

Qaanaami aalisartut piniartullu peqatigiiffiani aningaaserisoq, KNAPK-milu siulersuisuunerni ilaasortaq Jens Danielsen oqarpoq, siunissami sillimaniarnissaq siunertaralugu aalisartunut piniartunullu ajornartoornermi aningaasaateqarfissamik ukiortaap kinguninngua pilersitsiniarlutik.

- Silaannaap allanngoriartornerata kingunerisaanik ukiuni kingullerni inuussutissarsiornikkut ajornartorsiortoqartarnera misigiuartalersimavarput. Taamaammat aalisarnermik piniarnermillu inuussutissarsiuteqartunut siunissaq eqqarsaatigalugu Qaanaap kommuneanut tamanut atuuttussamik aningaasaateqarfissamik pilersitsiniarluta aalajangersimavugut. Jens Danielsen taama oqarpoq.

Qaanaami piniartut ikiorniarlugit qimminut nerukkaatissat 4 tonsit missaanniittut Qaanaap kommuneaniit, Pilersuisumiit, Ilulissanilu Royal Greenlandimiit maannamut tunniunneqarsimapput.

Sinerissami peqatigiiffinni assigiinngitsut, Qaanaap kommunea, kiisalu inuit ataasiakkaat ikiuiniarlutik soqutiginnittut Qaanaami piniartut peqatigiiffiata kontuanut aningaasat 18.000 koruunit maannamut ikisimagaat, Qaanaami piniartut peqatigiiffiani siulittaasoq Qillaq Danielsen Radioaviisimut unnersiorpoq.

Aalisartut Piniartullu Peqatigiiffiata Qaanaap kommuneanut suleqatiserinnilluni saaffiginnissuteqarnissaanut tapersersuiumaarlutik borgmesteri Inuit Ataqatigiinneersoq Naimángitsoq Petersen oqarpoq.

Isummersuutit



Nutaarsiassaateqarpit?

Nutaarsiassaateqarpit?

1717-imut SMS-erit, UNNIA allariarlugu kingornalu oqaluttuat allallugu.

Immersuivik atorlugu allaffigitigut knr.gl/1717

Emailikkulluunniit 1717@knr.gl

KNR TV: TekstTV-mi paasissutissat

TTV q 110 Ullut tamaasa nutaarsiassat

TTV q 400 Timmisartuutinissat
aallartussat tikitussallu

TTV q 300 Tv-kkut aallakaatitassat
tulleriiarnerat

TTV q 300 radiukkut allakaatitassat
tulleriiarnerat