Qaanaami allaannguuteqartoqarpallaanngilaq
apriilip 05-at 2005 23:53
Qaanaami kommunalbestyrelsemi ilaasortat siornatigut tallimaasut arfineq marlunngortussatut aalajangiunneqarsimavoq. Ipassaq qinersinerup inernierisa takutippaat Siumut aamma Atassut tamarmik marlunnik isertitaqartut, IA ataatsimik isertitaqarpoq. Inissat nutaat marluusut aappaat Demokraatit tiguaat aappaalu attaviitsumit tiguneqarluni. Borgmesteriusoq Naimangitsoq Petersen oqarpoq borgmesteritut isiaannarnissani ilimanganngilluinartoq, oqarporli Atassutip borgmesterinngortitaqarnissaa ilimanartoq. Qaanaami Atassut sinnerlugu qinigaanerpaasimasoq borgmesterinngussappat arnaassaaq, Atassullu sinnerlugu qinigaanerpaasimavoq Johanne Nielsen.