Qaartiterutinik 70-inik Kalaallit Nunaanni pisineq angutip 30-nik ukiullip Sønderjyllandimeersup qaammatini arfineq-pingasuni parnaarussaanissaanik kinguneqarpoq.
Angut Kalaallit Nunaanni siusinnerusukkut sulisimavoq. Qaartiterutit 13,2 kiilut qaartartortassaaalu arfineq-pingasut Upernavimmi 2004-mi pisiarisimavai.
Qaartiterutit qaartartortassaalu poortukkat marlunngorlugit umiarsuakkut Danmarkimut nassiunneqarsimapput.
Qaartiterutissat angutip 30-inik ukiullip ukioq ataasingajak toqqortarisimavai, illunili siorna decemberip qaammataani tunsussanngoramiuk, qaartiterutissat qaartartortassaalu sumut pissallugit, qanorlu iliussallugit, nalulersimavai.
Sønderjyllandimi najugaqarfimmi qanittuani orpippassuarni Sottrupskovip eqqaanut qaartiterutit 70-it taakku qimaannarsimavai. Angutip qimmiminik aneerussisup taakku nassaarisimavai, oqartussaasunullu kalerriullugit.