Satellit-programmet Copernicus skal blandt andet udvides til at måle havtemperatur og CO2-udledning i Arktis.Assi: KNR/Anton Gundersen Lihn

Qaammataasat amerlanerusut Issittumi allanngoriartortoqarneranik nakkutilliissasut

EU-mi nunat Issittumi attanneqarsinnaasumik pilersitsiniarput aamma nunarsuarmi avataarsuanilu mingutsitsinnginnerusumik ilisimatusarneq pitsanngorsarniarlugu.

Issittumi piujuaannartitsinissaq qulakkeerumallugu avataarsuanit nakkutiginninnerup nukittorsarneqarnissaa nunat EU-mi ilaasortat ullumi tallimanngornermi akuersissutigaat.

Ilisimatusarneq nukittorsarniarneqarpoq, qaammataasallu atorlugit Issittumik nakkutilliineq nukittorsarniarneqarluni. EU-p silap pissusiata allanngoriartorneranik akiuiniarnerata pitsanngorsarneqarnissaa eqqarsaataavoq.

AAMMA ATUARUK Imaata sikua qaammataasamit laseri atorlugu nakkutigineqassasoq

Qaammataasat assigiinngitsut silap pissusiata allanngoriartorneranik nakkutilliisut, soorlu qaammataasaq Copernicus, EU-mit avataarsuaniitsinneqarput, Issittulli ilarujussua sukumiinerusumik suli nakkutigineqarani.

Qaammataasat assigiinngitsut atorlugit, assersuutigalugu Copernicusitut ittut atorlugit, Issittumi immat kissassusaat, CO2-llu aniatinneqartup nakkutigineqarnissaat

AAMMA ATUARUK Danskit qaammataasiaat Issittumi nakkutilliisussaq aallartinneqartoq

- Immap sikusarnera, immallu sarfarnera qaammataasat nutaat atorlugit malinnaavigisinnaavagut, silallu pissusiata allanngoriartornera pillugu annerusumik ilisimasaqalersinnaassalluta, Danmarkip ilisimatusarnermut ministeria Ane Halsboe-Jørgensen, Bruxellesimi ataatsimeereernerup kingorna oqarpoq.

Isummersuutit



Nutaarsiassaateqarpit?

Nutaarsiassaateqarpit?

1717-imut SMS-erit, UNNIA allariarlugu kingornalu oqaluttuat allallugu.

Immersuivik atorlugu allaffigitigut knr.gl/1717

Emailikkulluunniit 1717@knr.gl

KNR TV: TekstTV-mi paasissutissat

TTV q 110 Ullut tamaasa nutaarsiassat

TTV q 400 Timmisartuutinissat
aallartussat tikitussallu

TTV q 300 Tv-kkut aallakaatitassat
tulleriiarnerat

TTV q 300 radiukkut allakaatitassat
tulleriiarnerat