Qaammataasaq aqagu avataarsualiartinneqassaaq
Qaammataasiaq februaarimili avataarsualiartinneqartussaagaluarpoq, avataarsualiarnissaali Ukrainimi avataarsualiartitsisarfiup taamaatiinnartariaqarsimavaa, rakettimut orsussamaatissaq ajornartorsiutigineqarmat. Nutaarsiassaqartitsivimmi Ritzauimi tamanna allaaserineqarpoq.
Orsussamaatissap iluamik akoornissaa ukarainimiut maanna aaqqiivigisimalerpaat, Cryosatillu toqqissisimanartumik avataarsualiarnissaa maanna piareersimaffigalugu.
Nunarsuup kaaviffiini Kalaallit Nunaannilu sikup aakkiartornera qanoq ingerlanersoq qaammataasiap Cryosatip ilisimatuunut ersarissassavaa.
Qaammataasiaq 700 kilometerinik qutsitsigisumiissaaq. Radarip atortua iluaqutsiullugu paasissutissanik nunarsuup qaavanut nassitsisassaaq. Sikup portussusaa radarip uuttuutaa atorlugu centimeterialunnguaannarnik nikingasumik eqqorluarneqarsinnaavoq.
Sikup issussusaa nunami naatsorsorneqarsinnaavoq, immallu sikua, aamma immap ataaniittoq, imaani naatsorsorneqarsinnaalluni.
Paasissutissanik qaammataasianit allanit maannamut pissarsiarineqartartunik pitsaanerungaartunik ilisimatuut Cryosatimiit ilisimatuut pissarsisinnaanngussapput. Cryosat ukioq naallugu aamma nassitsisassaaq.
