Qaammammit unammillerneqariaannaapput
Sullivinnik pilersitsisartut Silicon Valleymeersut aamma immikkut ilisimasallit NASA-meersut robotinik qaammatip qaavani aatsitassanik ujaasisinnaasunik ineriartortitsiniarput.Aviisimi Los Angeles Timesimi taama allaaserinnittoqarpoq.
- 2013-imi qaammammut nunnissinnaanissarput piareersimaffigissavarput. Suliffeqarfinni siullerpaalluta qaammammut anngunnissarput qaammammilu sulisinnaanissarput anguniagaraarput, Naveen Jain, suliffeqarfimmit Moon Express Incorporationimeersoq, Los Angeles Timesimut oqarpoq.
Kinap aatsitassanik qaqutigoortunik tunisassiornerminik killilersuiniarnerminik sioorasaaruteqarnera, Kinap avataani suliffissuarnut kingunerlorujussuarsinnaanera, Europamiut aamma Amerikamiut suliffeqarfiisa ernummatigaat.