Qaami-start Københavnimi ammarneqarpoq
-Kalaalerpaaluit suliffissarsioqqaaratik inissarsioqqaaratilluunniit Danmarkimut nuuttarput. Ajornartorsiuteqalerneq tamatuma kingunerikkajuttaarpaa, taama oqarpoq Akademosimi pisortaaneq, Klaus Ebbesen. Kalaallit Danmarkimut tikerlaat suliffissarsiuussisarfimmik, Kalaallit Illuutaat suleqatigalugu, Klaus Ebbesen, maanna aallartitsivoq, suliffissarsiuussisarfillu Atugarissaarnermut ministereqarfimmit aningaasaliiffigineqartassaaq.
Københavnimi suliffissarsiuussisarfissaq taaguuserneqarpoq ”Qaami-start”, Vesterbromilu aqquserngit ilaanni Skelbækgade-mi inissisimavoq.
Klaus Ebbesen oqarpoq, suliffissarsiuussisarfik sisamanngornerit tamaasa ullup-qeqqaniit marlup tungaanut ammasalereersoq, kalaallillu tikerlaat kikkulluunniit tikilluaqqusaasut.
-Tikerlaat sukkanerpaamik sulilertariaqarput. Ajornartorsiutit taamaalilluta pinngitsoortissinnaavavut, Københavnimmi aqquserngini tamakku ajoraluartumik ulluinnarsiutigilersimavavut, Københavnimi suliffissarsiuussisarfimmi nutaami pisortaaneq, Klaus Ebbesen, oqarpoq.
