New Zealand Puussiat plastikkiusut inerteqqutaalersinniarpaat
New Zealandip ministeriunerunera Jacinda Ardern tusagassiortunik katersortitsinermi taama oqarpoq. Puussiat tamakku New Zealandimi ukiup tulliuttup ingerlanerani atorneerukkiartortinneqarnissaat siunniuneqartoq, taassuma oqaatigaa.
Puussiat plastikkit ataasiaannarlugit atorneqarsinnaasut inerteqqutaalersinneqarnerat mingutsitsinerup akiorniarneqarneranut alloriarneruvoq pingaarutilik. New Zealandip ministeriunerunera taama oqarpoq.
Puussiat millionilikkaat New Zealandimiunit ukiut tamaasa atorneqartarput, taakkunannga amerlasuut immami uumassutsinut akornutaalersarlutik, ministeriuneq oqarpoq.
- Eqqakkat iliuuseqarneruffigisariaqarpavut, unalu aallariarneruvoq pitsaasoq, oqarpoq.
Puussiat ukiumut 5 billionit, tassa 5000 milliardit, nunarsuaq tamakkerlugu ukiut tamaasa atorneqartartut, Naalagaaffiit Peqatigiit nalunaarusiaanni ukioq manna juunimi saqqummersinneqartumi atuarneqarsinnaavoq. Allatulluunniit oqaatigalugu: Puussiat minutsimut 10 millionit nunarsuaq tamakkerlugu atorneqartarput.
